Ugu yaraan shan qof ayaa ku dhintay iska horimaad ka dhacay duleedka magaalada Dhahar ee gobolka Sanaag, kaasoo dhex maray ciidamada ammaanka Puntland iyo maleeshiyaad deegaanka ah.

Wararka ayaa sheegaya in afar ka mid ah dadka dhintay ay ka tirsanaayeen ciidamada ammaanka Puntland, halka qofka shanaad uu ka mid ahaa maleeshiyaadkii dagaalka la galay.

Dowladda Puntland ayaa si adag u cambaareysay dagaalkaasi, iyadoo ku eedeysay maleeshiyaadka deegaanka inay sabab u ahaayeen xasaradda, isla markaana ay carqaladeynayaan nabadda iyo xasilloonida gobolka.

The post Wararkii u danbeeyey xaalka Dhahar iyo dagaalkii shalay appeared first on Kaab TV.

Dagaallada beeleed ee soo noqnoqda ayaa sababay dhimasho, barakac, dhaawacyo, burbur hantiyeed iyo carqalad ku yimid dadaallada nabadeed.

Inkasta oo ay jiraan heshiisyo iyo waanwaano soo maray, hadana su’aasha weli taagan ayaa ah: maxaa sal u ah colaadahan aan dhamaanin? Maxaase xal waara looga gaari la’yahay?

Kaab TV ayaa isku dayay inuu su’aalahaani weydiiyo qeybaha kala duwan ee bulshada iyo waxa uu xalka uu yahay.

The post Colaad aan Dhammaan: Maxaa Sababa Dagaallada Beeleed ee Soo Noqnoqda Soomaaliya? appeared first on Kaab TV.

Hase ahaatee shilkaasi wuxuu sababay aano qabiil oo daba dheeraatay taas oo soo gaartay illaa maanta.

Colaad ka dhalatay aanadaas ayaa sababtay in labada beelood ee Kaskii Qabe iyo Reer Cumar ee Majeertaan ay geel kala dhacaa, iyadoo aanada qabiil ay si daran u saameyay xiriirka qoysas badan iyo nolosha dadka reer miyiga oo aan colaadda lug ku lahayn.

Isku dayo badan iyo gar maqallo ay yeesheen labada beelood ayaa horey u socon waayay.

Waxaa shalay oo Arbaco ahayd duleedka magaalada Garowe lagu soo afmeeray colaaddaas iyadoo diyada ninkii ku dhintay shilka baabuur.

Ganacsade Jaamac Dhaga Dheere ayaa sheegay in culimada Garowe oo ay labada dhinac u gar dhigteen ay go’aamiyeen in beesha Kaskii Qabe la siiyo diyada ninka ka dhintay, taas oo lagu xukumay 55 neef oo geel ah oo ah diyo la qafiifiyay.

Xukunkan ayaa la sheegay in la gaaray 10 bilood ka hor.

Maamulka gobolka Nugaal ee Puntland iyo mas’uuliyiin ka socda dhanka ammaanka ayaa ka qeyb galay kulankan oo labada dhinac ay ku dhawaaqeen dhameynta colaadda.

Colaadaha dhexmara beelaha Soomaalida oo aalaaba salka ku haya dilal ama dhac hanti ayaa qaata muddo dheer, waxaana mararka qaar dhaca colaado dad badan ku dhintaan oo ka dhasha colaadda.

In kasta oo Soomaaliya ay 30 sano ka badan ku jirto xasilooni la’aan iyo dowlad burbur, haddana, mar walba waxay caqabad ka jirtaa dub u heshiisiinta oo yar iyo maqnaanshaha kaalinta hay’adaha garsoorka.

Waxaana sida haddaba duleedka Garowe ka dhacday uu xalku noqdaa in hannanka culimada diinta ama odayaal beeleedka lagu raadiyo xal halkii maxkamadaha iyo garsoorka ay xalka keeni lahaayeen.

The post Shilkii dhimashada sababay 37 sano ka hor oo hadda Garoowe looga heshiiyay appeared first on Kaab TV.

• Madaxweynaha Puntland Siciid Deni oo Safar Dibadda ah u Baxay;
• Madaxweyne Ku-xigeenka Puntland oo Ganacsatada Garowe Kula Taliyay Inay CCTV Ku Xiraan Goobahooda Ganacsi;
• Dowladda Mareykanka oo Faahfaahin Ka Bixisay Duqeymo ay Ka Fulisay Buuraha Cal Miskaad;
• Hal ruux oo ku Geeriyooday biriq ku dhacday;
• Shacabka Degmada Gaalkacyo oo Ka Cabanaya Biyo Fadhiya Gudaha Magaalada

Wararka Galabnimo – Kaab TV, Puntland, Soomaaliya

The post WARARKA Puntland: Safarka Deni UAE; Ganacsatada Garowe oo CCTV lagu amray & Duqeynta Calmiskaad appeared first on Kaab TV.

Waa munaasabad farxadeed oo u gaar ah lamaanaha is guursanaya — arooska iyo aroosadda — oo ay la wadaagaan qoysaskooda iyo saaxiibadooda.

Dhallinyarada marti sharafta ayaa safarro dheer u soo gala si ay uga qaybgalaan maalintaas muhiimka ah.

Arooska dhaqameed badiyaa wuxuu dhacaa habeenkii, waxaana lagu dabbaaldegaa ciyaaro dhaqameedyo, heeso dhaqameed (oo badankood aan lahayn muusiq), iyo cunto ay hilibku u badan tahay oo si wadajir ah loo cuno.

Waxaa dhaqan ah in rasaas dabaaldeg ah cirka loo tuuro taasoo lagu muujinayo farxadda arooska.

Toddobaadkan, kooxda Kaab TV waxay safar ku tageen deegaanka Dangorayo ee dooxada Nugaal, Puntland, halkaas oo aan ku helnay fursad aan ku goob-joogno aroos dhaqameed Soomaaliyeed.

Waxa uu ahaa aroos si weyn loo soo agaasimay, oo ka tarjumaaya quruxda dhaqanka iyo midnimada bulshada Soomaaliyeed.

The post DOOXADA NUGAAL: Aroos miyi jiibta iyo jaanta la isla heley appeared first on Kaab TV.

“Siyaasiyiintii Garowe ka riday colaadda, waxaan Alle ka baryay inaysan dib dambe noogu soo noqon. Guryihii laga dhaawacmay ama laga dhintay, waxaan Alle uga baryay beddel kheyr qaba,” ayuu yiri Wasiir Huruuse.

Huruuse, oo haatan ah hoggaamiyaha Xisbiga Mideeye, ayaa tilmaamay in xisbiyada siyaasadeed aysan jiri karin haddii aysan dadweynuhu horseed ka noqon nidaamka dimuqraadiyadda iyo midnimada bulshada.

Doorashooyinkii Puntland ee la qorsheeyay sanadkii 2023 ayaa hakad galay kaddib markii rabshado hubeysan ay ka dhaceen magaalada Garowe, kuwaasoo sababay khasaare naf iyo maal leh.

Madaxweyne Xasan Sheekh Maxamuud ayaa lagu eedeeyay inuu si toos ah u kiciyay xiisaddaasi, isagoo horey u sheegay in Puntland ay “ku burburi doonto 24 maalmood gudahood,” isla markaana uu taageero siiyay mucaarad hubeysan oo dagaal ka bilaabay gudaha Puntland.

Wasiir Abshir Huruuse ayaa sheegay in dadka reer Puntland ay weli dareemayaan dhaawacyadii nafeed, burburka, iyo kala qaybsanaantii siyaasadeed ee ka dhalatay qalalaasihii doorashadaas.

The post Wasiir Abshir Cumar Huruuse: Siyaasiyiintii Garowe dagaalka ka riday Alle naguma soo celiyo appeared first on Kaab TV.

Xitaa kuwa ka qalinjabiya jaamacadaha, waxay soo baxaan iyagoo aan heysan xirfado ay ku shaqeyn karaan oo la xiriira maadooyinka ay sheeganayaan inay soo barteen ee ku qoran shahaadooyinka.

Tani waxay saameysay jiilal badan, iyadoo su’aal la galiyay tayada waxbarashada iyo nooca manhajyada ardayda la baro.

Balse dhowaanahan, waxaa soo baxay goobo waxbarasho oo dib u habeyn ku sameeyay manhajyada si ay u noqdaan kuwo soo saari kara arday la jaanqaadi karta nolosha maanta ee dunida ka jirta, taasoo ay jaangoyso teknoolojiyadda.

Iskuulka Al-Nawawi ee magaalada Garowe, oo ah dugsi hoose, dhexe iyo sare, ayaa maadooyinkiisa ku soo kordhiyay qeybta shaybaarka kombiyuutarada iyo barashada barnaamijyada kombiyuutarka, halkaasoo ardayda ay ku bartaan softwares-ka kala duwan.

Korontada, kaamirooyinka amniga ee CCTV iyo naqshadeynta graphics sida sawirrada ayaa ka mid ah maadooyinka ay halkaas ardaydu ku bartaan.

Muniiro Cabdinuur Cismaan, oo ardayda hadda ku jirta fasalka 3aad ee dugsiga sare (Form 3), ayaa sheegtay in gabdhuhu hadda ay ku badan yihiin ardayda xirfadaha kombiyuutarka baraneysa.

“Waxaan u tababartaa xirfadda graphic designer. Waxaan rajeynayaa inaan wax badan gaaro. Xirfadaha waxaa la dhahaa wiilasha ayaa ku fiican. Laakiin gabdhaha waan ku dhiirigalinayaa,” ayay tiri.

‘Gabdhuhu ay gaari karaan heer sare’

Laakiin, Umaya Maxamed Ibraahim, oo ah ardayad kale oo hadda fadhida fasalka 3aad ee dugsiga sare, ayaa sheegtay in heerka adduunka maanta uu saameyn ku yeeshay jiheynta ardayda, taasoo ku qasbaysa inay bartaan xirfadaha kombiyuutarka.

“Markii hore wax yar baan naqaanay. Haddase waxaan barannay waxyaabo badan, waxaan daabici karnaa dukumintiyada, waxaan baranay softwares kala duwan,” ayay tiri.

Waxay sidoo kale sheegtay in gabdhuhu ay gaari karaan heer sare oo ka sareeya wiilasha haddii si fiican loogu tababaro xirfadaha ayna helaan fursad.

Macallin Maxamuud Cabdullaahi, oo ka mid ah macallimiinta dugsiga sare, ayaa sheegay in iskuulku uu goostay inuu ardaydiisa baro xirfadaha kombiyuutarka markii ay u muuqatay baahida dunida ka jirta iyo caqabadaha horyaalla ardayga Soomaaliya maanta wax ku barta.

“Sida aan wada ogsoonahay, ardaydu waxay soo bandhigeen guul ay ka gaarteen xirfadaha sida xiritaanka korontada, CCTV iyo ku shaqeynta softwares kala duwan. Tan waxaa keenay baahida shaqo ee hadda ka jirta adduunka iyo sida loogu baahan yahay inay ardayda noloshooda wax ka bedelaan dhanka khibradda iyo dhaqaalaha,” ayuu Kaab TV u sheegay Macallin Maxamuud.

inkastoo uu hal iskuul kaliya billaabay hindisahaan, ayna jiraan kuwo kale oo laga yaabo inay ku dayanayaan, ayaa weli waxaa jira caqabado.

Tayada waxbarashada Soomaaliya waxay wajahaysaa caqabado waaweyn oo saameyn ku leh awoodda ardayda inay helaan xirfadaha muhiimka ah.

Iskuulada waxay ku shaqeeyaan fasallo ciriiri ah, iyadoo ay yar yihiin macallimiinta xirfadda leh ee dhigi kara maadooyinka loo baahan yahay.

Buugaagta iyo agabka kale ee waxbarashada, sida kombuyuutarada, ma wada heli karaan ardayda oo dhan.

Gabdhaha ayaa gaaraya 17% guud ahaan ardayda heli karta waxbarashada aasaasiga ah Soomaaliya oo dhan, taasoo ka dhigan inay weli jiraan gabdho badan oo aan helin waxbarasho iskana jooga guryaha.

The post Dib-u-Habeynta Waxbarashada: Ardayda Garowe oo la baro xirfadaha teknolojiyada appeared first on Kaab TV.

Howlgalka militari ee ay hoggaamineyso dowladda, kaasoo billowday dhammaadkii Diseembar, ayaa hadda galay bisha labaad. Maamulka Puntland ayaa sheegay in kumanaan dagaalyahanno ISIS ah, oo ay ku jiraan dagaalyahanno ajnabi ah, la dilay.

Mid ka mid ah kuwa la dilay waxaa kamid ahaa Abdirahman Lahoor, oo ahaa taliyaha muhiimka ah ee haystay amarka in absentia ee sanadkii hore.

Sidoo kale, Axmed Maaliminiin, oo ka tirsan saraakiisha sare ee ISIS, ayaa la xaqiijiyay inuu ku dhintay duqeyn Mareykanku ka fuliyay buuraha Cal Miskad ee Puntland, 1dii bishaan February, 2025.

Duqeyntan ayaa ahayd tii ugu horreysay ee uu amro Madaxweyne Donald Trump tan iyo markii uu bilaabay muddadiisa labaad ee xilka.

Madaxweynaha Puntland, Said Abdullahi Deni, ayaa dhawaan ugu baaqay taageero degdeg ah si loo ciribtiro kooxda argagixisada.

“Puntland waxay la dagaallamaysaa koox argagixiso oo caalami ah iyadoo adeegsaneysa kheyraadkeeda,” ayuu yiri Madaxweyne Deni isagoo booqanaya ciidammada dhaawacmay. “Waxaan ugu baaqeynaa jaaliyadeenna inay joojiyaan shirarka socda isla markaana si degdeg ah ugu taageeraan.”

Maamulkii Puntland ayaa sheegay dhowr maalmood ka hor inay dileen 57 dagaalyahan oo ISIS ah, oo ay ku jiraan ajnabi, markii kooxda ay ka carartay buuraha qotada dheer ee Cal Miskad.

Si kastaba, ciidamada gobolka ayaa wajahaya iska caabin xoogan, iyadoo maleeshiyaadku dib u urursadeen oo fuliyeen weeraro ismiidaamin iyo dagaallo toos ah.

Duqeymaha Mareykanka oo taageero ah ayaa sii soconaya, iyadoo Puntland ay sheegtay in Itoobiya, Kenya, iyo Imaaraatka Carabta ay sidoo kale taageero siiyeen howlgalka sii socda ee ka dhanka ah ISIS.

The post Ciidanka Puntland oo qabsaday 70% godadkii Daacish appeared first on Kaab TV.

Dowladda federaalka ayaa sheegtay inay gaarsiisay Puntland cagaf-cagafyo iyo mashaariic kale oo horumarineed.

Si kastaba ha ahaatee, Wareysi gaar ah oo uu siiyey Kaab TV, Wasiirka Warfaafinta Puntland, Maxamuud Ceyd Cali Dirir, ayaa ku gacan seeray arrimahaasi.

“Hal mashruuc oo kaliya looma fulin Puntland. Xatooyo, musuqmaasuq, iyo beenta waa astaamaha caadiga ah ee dowladda Muqdisho,” ayuu Wasiirka Dirir ku sheegay wareysiga.

Sidoo kale, Wasiirku wuxuu ka hadlay hawlgallada ka dhanka ah argagixisada ee ka socda Puntland.

Wuxuu sheegay in ciidamada Puntland ay horumar ka sameynayaan dagaalka ka dhanka ah kooxda Daacish ee ku sugan dhulka fog ee Cal Miskaad iyo Cal Madow.

Puntland ayaa ballan qaaday inay nabad iyo xasillooni u horseedi doonto muwaadiniinta, isla markaana ay ka sifeyn doonto argagixisada xeebta dheer ee 1,600 km ee Badda Cas, si loo xaqiijiyo amniga guud ee gobolka.

The post Puntland oo diiday sheegashada gargaarka ee DF appeared first on Kaab TV.

Shirka oo furmay Axaddii shalay ayaa la doonayaa in la isugu keeno labada beelood, si ay uga xaaqjoodaan xabbad joojin, kadibna loo soo afmeero colaaddan.

Colaadda Galbeedka Mudug oo soo laa laabatay ayaa sababtay dhimasho iyo dhaawac badan, waxaana ku barakacay boqollaal qoys oo ku noolaa deegaanada ay ku dagaalameen malleeshiyaadka labada beelood.

Colaaddan Galbeedka Mudug ayaa salka ku heysa muranka dhul daaqsimeedka iyo deegaanada miyiga oo labada dhinac ay had iyo jeer ku murmaan.

The post Puntland iyo Galmudug oo u fadhiya xallinta colaadda Galbeedka Mudug appeared first on Kaab TV.