MUQDISHO (KAAB TV) – Siyaasiga Yuusuf Xasan oo kasoo jeeda deegaanada maamulka Hirshabelle ayaa shaaca ka qaaday in loo baahan yahay in dadka deegaanka ay isu yimaadaan si ay uga tashadaan aayahooda.
Wuxuu sheegay in maamul loo dhan yahay aanan laga dhisin markii hore Hirshabelle, haddana ay usii dheer tahay musuqmaasuq iyo maamul xumo ragaadisay.
“Waa maamul fadhiid ah, oo ay nafta ku sii daba yar tahay. Cali Guudlaawe isagaa waxkasta ah,” ayuu yiri Yuusuf oo la hadlayey Kaab TV.
“Hirshabelle markii hore orod ayaa lagu dhisay. Haddana musuqmaasuq, maamul xumno iyo hoggaan xumo ayaa hareeyay,” ayuu yiri sii raaciyay.