Hargeysa (KAAB TV) – Madaxweynaha Soomaaliland Cabdiraxmaan Maxamed Cabdullaahi Ciro ayaa ayaa maanta kormeer shaqo ku tagey taliska guud ee ciidamada maamulka Soomaaliland.
Sidoo kale, wafdigan uu madaxweyne Ciro hor kacaayay ayaa waxaa qeyb ka ahaa wasiiro, xildhibaano iyo taliyeyaasha ciidamada kala duwan ee Soomaaliland.
Dhanka kale, ujeedka socdaalka madaxweyne Ciro ayaa ahaa ukuur galida xaaladaha ciidanka Soomaaliland, iyo in uu xariga ka jaro qeybo muhiim ah oo lagu soo kordhiyay taliska ciidanka maamulka Soomaaliland.
Ugu horeyntii madaxweyne Ciro oo khudbad ka jeediyay taliska ciidanka Soomaaliland ayaa sheegay in uu ka dhabeyn doono hadalkiisii ahaa in uu mushaar kordhin usameyn doono ciidanka, isagoona xusay in uu dhawaan degreeto madaxweyne kusoo saari doono.
Taliyaha ciidanka milateriga Soomaaliland Nuux Ismaaciil Taani oo isna khudbad kooban ka jeediyay taliska ayaa bogaadiyay booqashada madaxweynaha, isagoona xusay in farxad gooni utahay in madaxweynaha kusoo dhaweeyo taliska guud ee ciidanka Soomaaliland.
Sikastaba, booqashada madaxweyne Ciro ee Taliska guud ee ciidanka Soomaaliland ayaa noqoneyso markii ugu horeysay tan iyo markii loo doortay xilka madaxweynaha maamulkaaas.
