Zimbabwe (KAAB TV) – In ka badan kala bar dadka reer Zimbabwe ayaa u baahan doona gargaar cunto sanadkan ka dib abaar ba’an oo keentay in dalaggii beeraha la waayo, iyadoo hay’adaha samafalka ay raadinayaan dhaqaale ay dad badan uga badbaadiyaan gaajada, sida uu sheegay golaha wasiirada ee dalkaasi salaasadii dambe.
Qiyaastii 6 milyan oo qof oo ku nool dhulka miyiga ah iyo 1.7 milyan oo ku nool magaalooyinka ayaa u baahan doona gargaar, sida uu sheegay guddiga qiimaynta hab-nololeedka Zimbabwe (Zimlac).
Zimbabwe waxa ay ka mid tahay wadamada ay sida daran u saamaysay abaarta El Nino ee ka jirta Koonfurta Afrika, iyada oo Zambia iyo Malawi ay sidoo kale soo food saartay cunto yari sanadkan.
Jajabka Cimilada ayaa abaar ba’an u horseeday koonfurta Afrika.
Waa abaartii ugu xumayd ee Zimbabwe soo marta muddo 40 sano ah, sida ay dawladu sheegtay.
Qiimaynta dalagga ee u dambeeyay ee la horgeeyay Golaha Wasiirada ee Zimbabwe ayaa sidoo kale dib u eegis ku samaysay hoos u dhaca wax soo saarka gallayda ee Zimbabwe ilaa 77 boqolkiiba saadaasha todobaadkii hore.
Boqolkiiba 77 hoos u dhac ku yimid wax soo saarka ilaa 744,271 metric tonnes ayaa lagu qiyaasaa xilliga xagaaga 2023/2024, taas oo muujinaysa hoos u dhac weyn oo soo food saartay cuntada iyo kaydka cuntada,” sida lagu sheegay warbixin kooban oo golaha wasiirada.
Iskaashato maxalli ah oo ka kooban warshado gaar loo leeyahay ayaa qorsheynaya inay 1.4 milyan metrik ton oo galley cad iyo jaalle ah ka soo dejiyaan Brazil iyo dalal kale si ay u daboosho yaraanta cuntada.
Qaramada Midoobay iyo hay’adda Qaramada Midoobay u qaabilsan carruurta ee Unicef ayaa codsatay kaalmo dhaqaale si loo badbaadiyo malaayiin qof oo gaajada soo food saartay.
Zimbabwe oo ku dhawaaqday in abaarta ay tahay masiibo qaran.
Waxay daba socotaa codsigii dawladda ee $2 bilyan oo cunto gargaar ah oo ka yimid dadka samaha jecel iyo deeq-bixiyeyaasha.
Zimbabwe ayaa ku guuldareysatay inay is quudiso tan iyo sanadkii 2000, markaasoo madaxweynihii hore ee Robert Mugabe uu hogaaminayay dib u habeynta dhulka taasoo khalkhal galisay wax soo saarkii, halka isbedelka cimiladu uu sii xumeeyay awooda wadanku inuu helo cunto ku filan.