SO | EN

SO | EN

Aaden Madoobe oo sheegay in Xildhibaannada fasax la’aanta iska maqan laga qaadi doono talaabo sharci ah

|

Muqdisho (KAAB TV) – Waxaa maanta kooram la’aan u baaqday kulan ay xildhibaannada golaha Shacabka ee Baarlamaanka Federaalka Soomaaliya yeelan lahaayeen, kaddib markii xildhibaanno badan ka baaqsadeen in ay soo xaadiraan kulanka.

Sidoo kale, guddoomiyaha Golaha Shacabka ee Baarlamaanka Federaalka Soomaaliya Sheekh Aadan Madoobe ayaa si weyn uga carooday kooram la’aanta uu maanta u baaqday kulanka, waxa uuna sheegay in ay ceeb ku tahay xildhibaannada in kulanka uu maanta iyaga dartood u baaqdo.

Dhanka kale, Aadan Madoobe ayaa sheegay in lala xisaabtami doono xildhibaannada caadada ka dhigtay in kulamada iska baaqdaan, waxa uuna digniin adag hawada u mariyay xildhibaannada fasax la’aan isaga maqan kulamada golaha leeyahay.

“Wax la aqbali karo ma aha in kulamada golaha kooram la’aan u baaqdaan, xildhibaannada kulamada ka maqnaadana waa la xisaabtameynaa “ ayuu yiri Guddoomiye Aadan Madoobe oo caro xooggan wajigiisa ka muuqatay.

Ugudambeyn, Madaxweyne Xasan Sheekh Maxamuud ayaa isbuucii hore furay kalfadhigga shanaad ee Baarlamaanka Federaalka Soomaaliya, waxaana maanta baaqday kulankii ugu horreeyay ee xildhibaannada Golaha Shacabka ay isugu imaan lahaayeen.

La Xiriira

Live Now

Baraheenna Bulshada

Baaritaanada

English News