MUQDISHO (KAAB TV) – Inkastoo dhalinyaro badan oo Soomaaliyeed ay shaqo la’aantu daashatay oo aysan jirin rajo xitaa markii ay dhameysteen waxbarashadooda, qaarkoodna ayba u bareeraan safarka halista ahaa ee dhanka badda ee Yurub si ay nolol dhaanta uga helaan, ayaa Cabdicasiis Dhaqane iyo saaxiibadiis waxay u jiheysteen waddo kale.
Isaga iyo asxaabtiisa, waxay aas-aaseen shirkadda Deg Deg Delivery, oo dadka u geysa cunto degdeg ah markay kasoo dalbadaan maqaayadaha, taasoo u adeegta dadka mashquulka ah ee u baahan adeeg degdeg ah.
Laga soo bilaabo xafiisyo ilaa guryaha, Deg Deg Delivery waxay u adeegtaa xaafado badan oo ku yaalla caasimadda Muqdisho.
Ma ahan kaliya adeeg, ee waa iftiin rajo iyo fursad jawi adag iyo dhallinyaro Soomaaliyeed oo dalkooda gudihiisa isku dayaya inay abuuraan wax uun rajo ah si ay nolosha u maareeyaan.