Gabon (KAAB TV) – Dalka Gabon ayaa ku jira xaalad isbeddel ah kadib af-gambigii ka dhacay dalkaasi askarta xukunka sheegtay inay la wareegeen ayaa ku dhawaaqay in Jeneraalka lagu magacaabo Brice Clotaire Oligui Nguema oo ahaa madaxa Ilaalada Jamhuuriga tan iyo sannadkii 2019-ka inuu yahay hoggaamiyaha ku meelgaarka ah.
Sidoo kale, Ciidamada ayaa sheegay inay go’aan ku gaareen in dalkaasi bog cusub ufuraan, sida ay soo tebisay wakaaladda wararka ee Reuters.
Dhanka kale, Waxay isku dayeen inay dejiyaan beesha caalamka iyagoo ballanqaaday inay ixtiraamayaan dhammaan ballanqaadyada dalka oo ay ku jiraan bixinta deymaha lagu leeyahay.
Tani waxay ku soo aadeysaa iyadoo Golaha Nabadda iyo Ammaanka ee Midowga Afrika uu maanta yeelanayo kulan ay uga wada hadlayaan afgambiga dhacay Arbacadii.
Telefishanka qaranka ayuu afhayeenku ka sheegay in si tartiib tartiib ah loo dhisi doono hay’adaha dawliga ah.
Hay’adaha caalamiga ah sida Midowga Afrika ayaa sugaya in ay maqlaan ilaa inta ay madaxdan militariga ahi doonayaan in ay xukunka sii hayaan ka hor inta aysan shacabka u gacan gelin.