Galgaduud (KAAB TV) – Al-Shabaab ayaa saakay weerar culus oo ku bilowday gaadiid qaraxyo laga soo buuxiyay ku qaaday fariisimo ciidanka dowladda iyo kuwa dadka deegaanka ku leeyihiin deegaanka Cowsweyne oo dhawwaan laga saaray.
Sidoo kale, qaraxyada kaddib ayaa la sheegay in halkaasi ka bilowday dagaal culus oo labada dhinac u dhaxeeya, waxaana wali lasoo waramayaa in deegaanka uu ka socdo dagaal u dhaxeeya ciidanka huwanta ah iyo kuwa Al-Shabaab.
Dhanka kale, War goordhaw lagu baahiyay warbaahinta afka dowladda ku hadasha ayaa lagu sheegay in ciidanka dowladda iyo kuwa dadka deegaanka ay fashiliyeen weerar qaraxyo ku bilowday oo Al-Shabaab kusoo qaadeen deegaanka Cowsweyne.
Deegaanka Cowsweyne ayaa dhawwaan laga saaray kooxda Al Shabaab, waxaana deegaankan la wareegay ciidamo katirsan dowladda.