Muqdisho (KAAB TV) -Wakiilo ka kala socday Guddiga Midowga Afrika (AUC), Soomaaliya iyo dalalka ay ciidamada ka joogaan Soomaaliya ayaa soo gabagabeeyay shir socday afar maalmood oo lagu dhameystirayay qorshayaasha lagu kobcinayo awoodda howlgalka nabad ilaalinta Soomaaliya, sida uu Arbacadii sheegay howlgalka Midowga Afrika.
Kulanka ayaa lagu soo gebagebeeyey qaabka loo dhisi doono ciidamada iyo qorshaha howlgalinta ciidamada Midowga Afrika ee taageerada iyo xasilinta Soomaaliya (AUSSOM), ayaa lagu yiri war saxaafadeed ka soo baxay howlgalka Midowga Afrika oo ka dhacay magaalada Muqdisho ee caasimadda Soomaaliya.
“Mid ka mid ah waxyaabaha muhiimka ah ee kulankaan laga soo saaray ayaa ah dhameystirka Bayaanka Cutubka Shuruudaha (SUR), kaasoo faahfaahinaya ciidamada gaarka ah iyo awoodaha booliiska ee looga baahan yahay AUSSOM inay si hufan u gudato waajibaadkeeda,” ayuu yiri Billy Atwoki Winter, madaxa wafdiga AUC.
SUR-da lagu heshiiyey ayaa bixisa qaab-dhismeed tafatiran, oo qeexaya shuruudaha awood hawleed iyo saadka ee AUSSOM ee ciidamada militariga iyo booliiska, howlgalka AU ayaa yiri.
Waxay intaas ku dartay in SUR ay sidoo kale ka mid yihiin Xoogagga Falcelinta Degdegga ah, Kooxaha Dagaalka Xeeladaha ah, Sirdoonka, Awoodaha Ilaalinka iyo Sahanka, awood-bixiyeyaasha duulista, iyo qaybaha booliiska, xubno loogu talagalay in lagu wanaajiyo waxtarka hawl-galka AUSSOM ee ka hortagga al-Shabaab iyo xasilinta Soomaaliya.
AUC, Dowladda Federaalka ah ee Soomaaliya (FGS) iyo wakiilo ka socda AUSSOM Ciidamada Booliska iyo Wadamada ku deeqay ayaa soo gabagabeyay kulan hawleed afar maalmood socday oo farsamo ahaan Qeybta Howlgallada Taageerada Nabadda (PSOD), Maarso 26, 2025. /AUSSOM/X
Kulanka ayaa ahaa mid muhiim ah oo loo qaaday xiritaanka howlgalka Midowga Afrika ee Soomaaliya (ATMIS) iyo furitaanka AUSSOM oo lagu wado in uu si rasmi ah u shaqeeyo 1-da Luulyo.
La-taliyaha sare ee Difaaca ee Madaxweynaha Soomaaliya Jihaan Cabdullaahi Xasan ayaa sheegay in qorshaha AUSSOM “waa in uu ahaado mid ku qotoma hiigsiga amniga qaranka Soomaaliya si loo xaqiijiyo in bilowgeedii uu noqdo mid weji ah, oo waara, laguna saleeyo casharrada laga bartay howlgalladii hore”.
AUSSOM waxay beddeshay ATMIS 1-dii Janaayo waxayna ku shaqeysaa Fikradda cusub ee Hawlgallada ee uu ansixiyay Golaha Nabadda iyo Ammaanka ee Midowga Afrika Agoosto 2024.
Kulanka ayaa sidoo kale looga hadlay dhameystirka xuduudaha waaxyaha iyo goobaha laga howlgalayo, waxaana la isku afgartay in ciidamo iyo boolis la geeyo, oo ay ku jiraan qorshayaasha dib u celinta, waxaana lagu sameeyay isbedel istaraatiiji ah oo kor loogu qaadayo dhaq-dhaqaaqa ciidamada iyo ka jawaabista.