Muqdisho(KAAB TV)- Maalgashiga Soomaaliya iyo Bandhiga oo ujeedadiisu tahay sare u qaadida fursadaha maalgashi iyo muujinta awooda dhaqaalaha Soomaaliya ayaa hadda ka socda magaalada Muqdisho. Munaasabadan oo ay soo qaban qaabisay Wasaaradda Qorsheynta, Maalgashiga iyo Horumarinta Dhaqaalaha (MOPIED) ayaa waxaa maanta oo Arbaca ah daah furay Ra’iisul Wasaare Hamza Cabdi Barreh. Shirkaas oo halku dhiggiisu ahaa #InvestSomalia2024 ayaa waxaa ka soo qaybgalay dad magac ku leh caalamka oo dhan.
Shirkan oo socon doona muddo labo maalmood ah ayaa waxaa loogu talagalay in lagu soo bandhigo awoodda Soomaaliya ee dhinacyada muhiimka ah sida beeraha, isgaarsiinta, iyo kaabayaasha—meelaha lagama maarmaanka u ah dib u soo nooleynta iyo kobaca dhaqaalaha dalka. Iyadoo la muujinayo suurtagalnimada waaxahaas maalgashadayaasha caalamiga ah, dhacdada waxay ujeedadeedu tahay in la kiciyo horumarka dhaqaalaha iyo abuurista shaqooyin.
Shirka Maalgashiga Soomaaliya iyo Bandhiga Carwada waxa uu rajaynaya in ay ka qaybgalaan dublamaasiyiin kala duwan, maalgashadayaal, iyo daneeyayaal, taas oo xoojinaysa sida ay Soomaaliya uga go’an tahay in ay samaysato xidhiidh dhaqaale oo adag iyo abuurista jawi maalgashi oo wanaagsan.
Maxamuud Beenebeene ayaa furay shirka, isagoo ku nuux-nuux saday himilooyinkooda si kor loogu qaado kobaca dhaqaalaha iyadoo la horumarinayo fursadaha maalgashi ee Soomaaliya. Munaasabadan ayaa qeyb ka ah istaraatiijiyad ballaaran oo lagu soo jiidanayo maal-gashi caalami ah laguna soo bandhigo awoodda dhaqaale ee Soomaaliya.
Xubnihii ka hadlay waxaa ka mid ahaa Jabriil Ibraahim Cabdulle, Safiirka Soomaaliya u fadhiya Kenya; H.E. Amb. Mudane. Kubai Iringo, Safiirka Kenya ee Soomaaliya, iyo Stephen Waithaka Gitagama, madaxa fulinta kooxda iyo agaasimaha fulinta ee Nation Media Group Ltd. Khudbooyinkoodu waxay muujiyeen wada shaqayn joogta ah oo dhex marta Soomaaliya iyo saaxiibada caalamka.
Sidoo kale waxaa shirka lagu soo bandhigay riwaayado hiddaha iyo dhaqanka ah oo ay soo bandhigeen arday ka socotay Akadeemiyada Royal Muslim Academy, kuwaasi oo qaaday heeso Soomaali iyo Afrikaan ah oo ay ku muujinayeen hidaha iyo dhaqanka deegaanka.
Mudane Maxamed Dubo, Agaasimaha Xafiiska Dhiirigelinta Maalgashiga Soomaaliya ee MoPIED, ayaa ah maamulaha xafladan muhiimka ah. Mr. Mo Shire, Agaasimaha Guud ee MoPIED, ayaa isna soo dhaweeyay marti sharaftii ka soo qaybgashay, isagoo ku dheeraaday muhiimadda ay hindisayaashan oo kale u leeyihiin kobac dhaqaale oo waara ee Soomaaliya.