KISMAAYO (KAAB TV) – Madaxweynaha Jubbaland Axmed Maxamed Islaam oo dib uga soo laabtay dalka Imaaraadka Carabta ayaa kulan la qaatay masuuliyiin kasocday Bangiga adduunka oo uu hogaaminayay ku xigeenka madaxa Bangiga Adduunka ee Soomaaliya ahna maamulaha mashaariicda Mattias Mayr.
Kulanka ayaa lagaga hadlay dar-dar galinta mashaariicda kala duwan ee uu maalgaliyo Bangiga Aduunka iyo bilowga Kuwa qorshayntoodu ay hada socoto ay kamid yihiin dhismaha wadooyinka, kaabayaasha shaqaalaha iyo hormarinta adeegyada kale ee bulshada.
Bangiga Adduunka ayaa horey uga fuliyay magaalada Kismaayo iyo magaalooyin kale oo katirsan maamulka Jubbaland mashaariic horumarineed, waxaana wali socda mashaariic kala duwan uu maal-galinayo Bangiga Adduunka.
Magaalada Kismaayo mashaariicda laga fuliyay ayaa waxaa ka mid ah dhismooyinka waddooyin muddo sannado ah bur bursanaa iyo sidoo kale xarumo badan oo maamulka Jubbaland ku shaqeeyo.