Garoowe (KAAB )- Burcad badeed Soomaali ah ayaa bad waynta Hindiya ka af duubay Markab lagu magacaabo MV ABDULLAH, ayna saaran yihiin 23-shaqaale ah.
Markabka la afduubtay ayaa ka yimid dalka Mozambique asagona ku sii jeeday Dubai,sida ay qortay The Business Standard.
Kooxaha burcad badeeda dhanooda ma jiraan wax war ah oo ay ka soo saareen afuubka markabkan oo ka mid noqonaya markiib dhawr ah oo hore loo qafaashay.
Ciidamada badda ee Ururka Midowga Yurub ayaa dhankooda wada dadaallo dheeraad ah oo ku aadan weerarada burcadbadeeda Soomaalida, si looga hortego.
Sare u kac ayaa maalmihii u dambeeyay ku yimid afduubka burcad-badeedda Soomaalida, iyada ay socdaan dadaalo badan oo lagu hakin karo khataraha Burcadbadeeda.
Si kastaba, waxay tani ayaa sii kordhineysaa welwelka laga qabo in burcad-badeedda ay mar kale dib usoo laba kacleeyeen, kadib muddo ay ka caaganayeen xeebaha Soomaaliya.