Jalalaqsi (KAAB TV) -Ciidanka ammaanka gaar ahaanka kuwa Booliska ee Maamulka Hirshabeelle ayaa gacanta kusoo dhigay Nin xaaskiisa ku dilay degmada Jalalaqsi ee Gobolka Hiiraan.
Wararka la helayo ayaa sheegaya in sababta uu Ninka eedeysanaha ah u dilay xaaskiisa ay tahay muran soo kala dhex-galay oo la tilmaamay inuu ahaa mid la xiriira maseer ama Hinaaso.
Qaar kamid ah dadka deegaanka xaafadda uu falka ka dhacay ayaa kusoo warramay in Ninka dilka geystay oo lagu magacaabo Maxamed Cabdullaahi Cismaan uu marka hore isku dayay inuu baxsado, balse la qabtay, lana xiray.
Sidoo kale saraakiisha ciidamada ammaanka ayaa shaaca ka qaaday in eedeysanaha ay ku wareejin doonaan hay’adaha ku shaqada leh,m si maxkamad loo soo taago.
Falkan argagaxa leh ayaa naxtin ku abuuray dadka deegaanka oo si aad ah u hadal haya dhacdadaasi oo ugub ah degmada Jalalaqsi ee gobolka Hiiraam.