Calmiskaad Puntland (KAAB TV) – Ciidamada difaaca maamulka Puntland oo maanta hawlgal qorshaysan ka fuliyay buuraleyda Calmiskaad ayaa gebi ahaanba baabi’iyay ilaa shan talis oo argagixisada Daacish ku lahaayeen halkaasi.
Sidoo kale, war qoraal ah oo ka soo baxay hawlgalka la-dagaallanka argagixisada ee Puntland ayaa lagu xaqiijiyay warka ku saabsan burburinta goobihii gabbaadka u ahaa kooxaha Daacish ee buuraleyda Calmiskaad.
Dhanka kale, hawlgalka la-dagaallanka argagixisada ee Puntland ayaa sheegay in ciidamada difaacu burburiyeen islamarkaana gubeen ilaa shan talis oo argagixisada Daacish ku lahaayeen buuraha Calmiskaad gaar ahaanna degaannada (Il iyo Cameyra).
“Ugu yaraan shan tallis oo argagixisada laheyd ayaa Ciidanku burburiyeen oo gubeen, il iyo Cameyra- Calmiskaad” ayaa lagu yiri Qoraal kooban oo ka soo baxay Hawlgalka La-dagaallanka Argagixisada ee dowladda Puntland.
Warar dhinaca Amniga ayaa sidoo kale sheegaya in keyd badan oo saad iyo raashin ah kooxaha argagixisada ah ugu keydsanaa xarumaha ciidamadu burburiyeen.