DELHI (KAAB TV) – Ugu yaraan 27 qof ayaa ku dhintay “dab weyn” oo ka kacay goob lagu ciyaaro oo ku taal Hindiya, sida ay sheegeen saraakiisha maxalliga ah.
Holac iyo qiiq aad u badan ayaa la arkayay oo cirka kor ugu kacaya dhismaha Rajkot, ee galbeedka gobolka Gujarat.
“Meydadka lama aqoonsan karo, sidaas darteed aqoonsigooda way adkaan doontaa,” sarkaal sare oo ka tirsan booliiska Radhika Bharai ayaa u sheegay suxufiyiinta ka dib markii ay bixisay tirada dhimashada ee la cusbooneysiiyay.
Waxaa jirta cabsi laga qabo in dhibanayaal badan ay wali ku hoos jiraan burburka.
Mar sii horreysay, taliyaha booliiska Rajkot Raju Bhargava ayaa BBC-da u sheegay in 24 qof ay dhinteen. Dhawr dhibanayaal ah ayaa lagu soo waramayaa inay caruur yihiin.
Dabka ayaa kacay galabnimadii sabtida, iyadoo goobta ay ku sugnaayeen caruur iyo dhalinyaro ay buux dhaafiyeen. Waa la xakameeyey, mas’uuliyiintu waxay sheegeen.
Ilaa iyo hadda lama oga sababta ka dambeysay dabkaasi. Madaxa Gujarat Bhupendra Patel ayaa sheegay in “koox baaritaan oo gaar ah” la magacaabay.
Raiisel wasaaraha Hindiya Narendra Modi ayaa sheegay inuu “aad uga murugooday” dabkii ka kacay Rajkot wuxuuna sheegay in fikirkiisu ay la jiraan kuwa eheladooda waayay.