Muqdisho (KAAB TV) – Magaalada Muqdisho waxaa ka dhacay dilal kala duwan oo loo gaystay dad rayid ah kuwaas oo qaarkood ay ku lug leeyihiin askar ka tirsan Dowladda Soomaaliya.
Waxyaabaha ugu daran ee waqtigan ka jira magaalada Muqdisho ayaa ah in qaboojiyaasha Isbitaalada – magaalada ay ku jiraan maydad badan kuwaas oo eheladooda sugaya cadaalad.
Dilalka ku sii kordhaya caasimadda ayaa walaac ku keenay dad badan kuwaas oo sheegaya in loo baahan yahay in la qaado talaabo yarayn karta xaaladda sida hadda ay tahay.
Bishan waxa ka dhacay magaalada Muqdisho dilalkiii ugu badnaa, oo loo gaysto dad shacab ah kuwooda kalena waa Qoysas ehel ahaa oo nafta iska qaaday .
Laamaha amniga ayaa sheegaya in ay socdaan baaritaan ku saabsan dilalkan ka dhacay magaalada Muqdisho kuwaas oo xargaha furtay isla markaana keenay in isbitaalada ay ku kordhaan maydad badan.
Warbaahinta ayaa tabinaysay 24-kii saac ee la soo dhaafay qoysas badan oo dalbanaya cadaalada isla markaana aasi doonin maydkooda ilaa ay cadaalad ka helaan.
Luul Cabdicasiis oo ahayd Hooyo ilmo koris ku jirtay oo saygii qabay uu gubay ayaa ka mid ah dadka ku jira qaboojiyaasha isbitaalada Magaalada Muqdisho oo eheladooda ay sheegayaan in aysan aasi doonin ilaa gabdhooda ay cadaalad ka hesho.
Dowladda Soomaaliya ayaa laga sugayaa sida ay u qaado talaabo la xiriirta sidii loo soo afjari lahaa cabashada dadka ay ka qabaan Garsoorka dalka iyadoo dilalkan ay halkooda ka sii socdaan.