Biyo-Cadde (KAAB TV) – Faahfaahino dheeraad ah ayaa ka soo baxaya dagaal culus oo ka socdo deegaanka Biyo-Cadde oo qaybo kamid ah ay weli gacanta ku hayaan ka tirsan kooxda Al-Shabaab.
Dadka deegaanka ayaa warbaahinta usheegay in goordhow uu dib qarxay dagaal culus oo u dhexeeyo ciidamada dowladda Soomaaliya oo kaashanayo dadka deegaanka iyo Al-Shabaab, kaas oo la’isku adeegsanayo hubka noocyadiisa kala duwan.
Dhanka kale, muuqaalo lagu baahiyay baraha bulshada ayaa muujinayo in qaybo kamid ah magaalada ay gubaneyso, kadib markii ay qaraxyo ku xireen magaalada.
Sidoo kale ciidamada Xoogga dalka iyo kuwa deegaanka ayaa isku sii ballaarinayo Biyo-Cadde, kuwaas oo ku guda jiro sidii magaalada looga xoreyn lahaa Al-Shabaab.
Waxaa sidoo kale dagaalladan barbar socda duqeymo diyaaradeed oo lagu garaacayo aagga ay ku sugan yihiin maleeshiyaadka Al-Shabaab, si loo jabiyo.