KISMAAYO (Baraarug) – Dhallinyarada Soomaaliyeed, iyaga oo aan heli karin shaqooyin iyo inta badan ka maqan xirfadaha loo baahan yahay si ay u shaqeeyaan oo noloshooda ugu maareeyaan, ayaa nasiib darro ku lug yeesha dagaallada aan micnaha lahayn ee beelaha ka dhex socda dalka.
Takooridda loo geysto kooxo gaar ah, sida haweenka iyo dadka laga tirada badan yahay, weli way sii socotaa.
Sida uu ku talinayo Cabdifitaax Maxamed Xasan oo ku sugan Kismaayo, waxaa la joogaa waqtigii dhallinyaradu dib uga fikiri lahaayeen oo ay masuuliyad ka qaadan lahaayeen qaabaynta mustaqbalkooda.