GALGADUUD(KAAB TV)Wararka naga soo gaaraya Gobolka Galgaduud ayaa waxaa ay sheegayaan in maleeshiyaad hubeysan ay kudileen degaan u dhow Magaalada Dhuusamareeb ee Caasimadda Galmudug Macalin Dugsi Qur’aan iyo Walaalkiis oo dhaqtar ahaa.
Maleeshiyaadka hubeysan ayaa alle ha u naxariistee kudilay degaanka Ilix oo u dhow degaanka Ceeldheere oo kuyaalla inta u dhaxeysa Magaalada Dhuusamareeb iyo degmada Guriceel Macalin Liibaan Xasan Cusmaan iyo Dr Axmed Xasan Cusmaan oo Walaalo ah.
Maleeshiyaadka dilka u geystay labada Dhalinyarada ah ayaa goobta ka baxsaday, waxaana la sheegay in dilkaan uu salka ku haayo dilal aanooyin qabiil ah oo muddooyinkii la soo dhaafay ka taagan degaano katirsan gobolka Galgaduud.
Ciidamo katirsan kuwa laamaha Amniga Galmuudg oo ka kala tegay Magaalada Dhuusamareebn iyo degmada Guriceel ayaa gaaray halka uu dilka ka dhacay, kuwaas oo wada howlgallo ay ku baadi goobayaan maleeshiyaadkii dilka geystay.