Muqdisho (KAAB TV) – Diyaarad nooca qumaatiga u kaca ah ayaa burburtay gelinkii dambe ee Khamiista xilli ay ka soo duushay Muqdisho kuna sii jeedday saldhigga Ballidoogle oo qiyaastii 30 KM dhanka Koonfur-galbeed kaga beegan magaalada Muqdisho
Shilkan ayaa ka dhacay meel ku dhow degmada Afgooye iyadoo wararkii ugu horreeyay ay sheegayaan in diyaaradda helicopter-ka ay la eegteen madaafiic xooggan oo ay soo rideen Al-Shabaab inkastoo dhammaan rakaabkii oo ay ku jireen saddex u dhashay dalka Uganda ay ka badbaadeen shilkan.
Diyaaradan oo ah nooca qumaatiga u kaca ee loo yaqaano Helicopter-ka oo qeyb ka ah howlgalka Midowga Afrika ee ATMIS ayaa waxaa la sheegay in ay la socdeen ciidamo ka tirsan kuwa dowladda Soomaaliya waxaana ay ku dhacday meel duur ah, Inkastoo shilkan uu aad u xoogganaa haddana lama soo sheegin wax khasaare ah oo ka dhashay waxaana markiiba la badbaadiyay dhammaan dadkii la socdayn iyadoo ay u jawaabeen ciidamada booliiska Soomaaliya.
Shilkaan ayaa muujinaya dhacdo weyn oo dhanka amniga ah oo ka dhacday gobolka taasoo muujineysa caqabadaha joogtada ah ee ay wajahayaan howlgallada nabad ilaalinta iyo howlgallada militari ee ka dhanka ah kooxaha nabad diidka ah sida Al-Shabaab.
Goobta uu shilku ka dhacay oo u dhaxeysa Afgooye iyo Carbiska ayaa waxa ay hoosta ka xariiqeysaa jawiga jawiga deegaanka oo inta badan ay la kulmaan iska caabin.
Ma jiro wax faahfaahin ah oo ka soo baxay hay’adaha amaanka iyo taliska ATMIS.