Jabuuti (KAAB TV) – Madaxweynaha dowladda Federaalka Soomaaliya Xasan Sheekh Maxamuud, ayaa kulan arrimo badan looga hadlay qaarkoodna la qariyay waxyaabihii diirada lagu saaray la qaatay dhigiisa dalka Jabuuti Ismaaciil Cumar Geelle.
Sidoo kale, taliyihii hore ee hay’adda nabadsugidda iyo sirdoonka Qaranka Soomaaliya Fahad Yaasiin Xaaji Daahir, ayaa qoraal kooban uu soo saaray uga digay Madaxweyne Xasan Sheekh in uusan qaadan qorshe halis ah ay wadato dowladda Qatar.
Dhanka kale, Waxa uu sheegay Fahad Yaasiin in dowladaha madaxabannaan ee caalamka ka jira madaxdooda aysan aqbalin loo adeegsado hardan dagaal oo aysan qeyb ka ahayn, waxa uuna madaxda dalka uga digay in ay aqbalaan codsi ay wadato Jabuuti , uusan shaacin waxa ay tahay.
”Madaxda Qaranka waxaan uga digaynaa in ay ogolaadaan codsiga Dowladda Jabuuti, kaas oo ku dhisan culays iyo eedda iga dulqaad—adiga ha loo saaro” ayuu qoraalkiisa ku sheegay Fahad Yaasiin.
Waxa uuna intaa ku daray ” Fariintan waxaa si qoto dheer u fahmi kara Madaxda Qaranka. Haddiise codsigaas la fuliyo (Alle kama dhigee), ummadda Soomaaliyeed oo idil ayaa markaas fahmi doonta waxa aan ka hadlayo. Ma doonayo in aan ka sii hordhaco, anigoo rajo ka qaba in caqligu shaqeeyo.
Sikastaba, Qorshahan halista ah uu madaxda sare ee dowladda Soomaaliya uga digay Fahad Yaasiin, ayaan ilaa hadda si rasmi ah loo ogaan, waxa ayna digniintan imaaneysaa xilli Madaxweyne Xasan Sheekh uu tagay Jabuuti lana kulmay dhigiisa dalkaasi.