GAROWE (Kaab TV) – Taageerayaasha ayaa si weyn ugu soo xoomay Garoonka Mire Aware ee caasimadda Puntland, Garowe, kahor ciyaarta aadka loo sugayo ee nus-dhamaadka oo ay isku arkayaan kooxaha Nugaal iyo Mudug.
Taageerayaasha labada koox ayaa bilaabay inay kuraasta qabsadaan afar saacadood kahor intaysan ciyaartu bilaaban.
Ciidanka booliska Garowe ayaa ugu baaqay taageerayaasha labada gobol inay nabadgelyo muujiyaan oo ay si wadajir ah ula shaqeeyaan inta lagu guda jiro ciyaarta, taas oo la filayo inay noqoto mid ka mid ah ciyaaraha ugu xiisaha badan xilli-ciyaareedkan.
Kooxda Nugaal, oo matalaysa caasimadda Garowe, ayaa la ciyaari doonta kooxda Mudug ciyaartan muhiimka ah ee nus-dhamaadka Puntland.
Rajada ciyaartu waa mid sarreysa, maaddaama kooxda guuleysata ay u gudbi doonto ciyaarta kama-dambeysta ah, halka kooxda laga badiyo ay tartanka ka hari doonto.