HARGEYSA (KAAB TV) – Laamaha ammaanka Somaliland ee magaalada Hargeysa ayaa baadi goob ugu jira haween la sheegay inay jirdil daran gaarsiiyeen nin dhallinyaro ah kaasoo ay kula ballameen guri ku yaalla Hargeysa.
Booliska ayaa sheegaya in dumarka la tuhunsan yahay ay dhan yihiin illaa 4, waxayna boolisku hadda xireen mid ka mid ah haweenka la eedeyay.
Dhibbanaha ayaa la sheegay in lagu magacaabo ‘Caydaruus. Wuxuuna warbaahinta u sheegay in gabar uu xiriir sheeko kala dhexeeyay ay kula ballantay guri si ay ugu sheekeystaan, balse markuu halkaasi tagay la weeraray.