Burco (KAAB TV) – Waxaa magaalada Burco laga helay Meydka dhaqtarkan lagu magacaabo Dr. Abdishakur Saleebaan, kana mid ahaa hawlwadeenada Caafimaadka magaalada Burco ayaa xalay laga helay qolka shaqaalaha ee isbitaalka Al-Khaliifa ee magaalada Burco.
Sidoo kale, Meydka dhaqtarka ayaa la sheegay inuu habeen hore ku jiray shaqada habeenimo ee Isbitaalka ayna xaaladiisa caafimaad wanaagsaneyd xiligaas.
Dhanka kale, Xubno kamid ah hawl wadeenada caafimaadka ee gobolka Togdheer ayaa Warbaahinta u sheegay in marxuumku geeriyooday kadib markii wadnuhu istaagay.
Ciidanka Booliska magaalada Burco ayaa haatan wada baaritaano dheeraad ah oo la xiriirta sababta rasmiga ah ee uu u geeriyooday dhaqtarka, iyagoona sheegay baaritaanka kaddib ay dadka lawadaagi doonaan wixii kasoo baxa baaritaanka meydka dhaqtarka.