CEERIGAABO (Kaab TV) – Madaxweynaha Somaliland, Cabdiraxmaan Cabdillaahi Cirro ayaa ku guuleystay inuu soo afmeero gogol nabadeed oo laga hirgaliyay gobolka Sanaag, halkaas oo colaad muddo taagnayd oo u dhexeysa beelaha deegaanka ay sababtay dhimasho iyo barakac badan.
Heshiiskan oo ay horseed ka noqdeen odayaal dhaqameedka beelaha Warsangali iyo Isaaq ayaa si rasmi ah loo soo gabagabeeyay.
Labada hoggaamiye dhaqameed ee kala ah Suldaan Siciid Cabdisalaas oo ah suldaanka guud ee Warsangali iyo Ugaas Cabdirashiid Ugaas Rooble Ugaas Dhoodi oo ah ugaaska guud ee Gadabuursi ayaa wadajir ugala qeyb galay hirgalinta nabadda Sanaag.