Jalalaqsi (KAAB TV) – Kooxda Al-Shabaab ayaa lagu soo waramayaa in duleedka degmada Jalalaqsi ay dileen macallin dugsi oo ka biyo diiday fulinta amarkooda.
Macallinka ayaa kooxda waxa ay maalmo ka hor ka afduubteen deegaan hoostaga degmada Jalalaqsi ka dib markii uu ka dhaga adeegay bixinta lacag ay ka doonaysay kooxda Al- Shabaab.
Waxa lagu magacaabayay Cabdulqaadir Xasan Ilkacase ayaa maalmo kahor Al-Shabaab ka afduubteen deegaanka uu dugsiga ku hayay.
Waxa la sheegay in nabadoonkan ahaana macallin dugsi loogu yeeray deegaanada ay ka taliyaan kooxda Al- Shabaab halkaa soo dilkiisa lagu fuliyay sida la sheegay.
Al Shabaab ayaa inta badan ganacsatada iyo dadka kale ee lacagaha ka rabaan iyo kuwa lasoo dacweeyo uga yeera deegaannada ay maamulaan.