Muqdisho (Raxanreeb) Tuulada Cayaaraha ee Muqdisho waxaa ka soconaya cayaaraha maamul goboleedyada iyo gobolka Banaadir oo ay ka qayb galayaan maamul goboleedyada marka laga reebo Puntland.
Wasaarada Cayaaraha xukuumadda Soomaaliya ayaa hormuud u ah qabashada cayaarahan isla markaana masuul ka ah sida ay wax u dhacayaan , waxaana amniga sugaya ciidanka Booliska Soomaaliyeed.
Laakiin ku dhax jira Taliyaha Hay’adda NISA ee Cayaaraha ayaa waxa ka dhalatay falcelin kala duwan waxaana baraha bulshada qabsaday hadalo kala duwan oo ka dhashay Mahad Salaad oo ku sugan kulan lagu dhiiragalinayo Galmudug oo ka adkaaday kuwa Koonfur Galbeed.
Waxa ka horeeyay arintan weerar lagu qaaday kooxda kubadda cagta Koonfur Galbeed oo dhaawacyo ay soo gareen isla markaana la dhigay goobaha caafimaad ee caasimadda taas oo lagu tilmaamay wax laga haboonaa maadama ay jiraan cayaartooy la cayaaraysay Galmudug oo lagu weeraray caasimadda .
Ka dib buuq badan iyo hadalo dhaleeceeyn ah waxaa la shaaciyay in caradii ka dhalatay weerarkii cayaaryahanada Galmudug la xaliyay maanta waxaana ka dhax muuqday Taliyaha Nabad sugida Mahad Salaad , Wasiirka cayaaraha iyo xubno kale.
Arintani waa mid kale oo su’aal kale galinaysa halka ay iska qaban karaan Hay’adda NISA iyo cayaaraha maamul goboleedyada ee ka socda magaalada Muqdisho.
