SO | EN

SO | EN

Madaxweynaha Midowga Yurub oo sheegay in cawaaqib xumo ka dhalan doonto go’aanka Trump

|

Washington (KAAB TV) – Madaxweynaha dalka Mareykanka Donald Trump, ayaa canshuur cusub oo dalalka dunidda oo dhan uu ku soo rogay, waxa ayna canshuurtan durba saameyn xooggan ku yeelatay waddamada caalamka, haba ugu horreeyaan dalalka Yurub, Aasiya iyo waqooyiga America.

Sidoo kale, dalal badan oo caalamka katirsan, ayaa si adag uga falceliyay go’aankan oo uu Trump ku soo kordhiyay canshuurta xad-dhaafka ah, waxa ayna dalalka caalamka qaarkood sheegeen in iyaguna sameyn doonaan go’aanno aargoosi ah.

Dhanka kale, madaxweynaha golaha Midowga Yurub, Ursula von der Leyen, ayaa sheegay in canshuurta cusub uu soo rogay, Donald Trump dhabar-jab xooggan ku yihiin dhaqaalaha adduunka oo markii horbaa sii xumaanayay.

Waxa ayna intaasi ku dartay madaxweynaha golaha Midowga Yurub in cawaaqib xun ay ka dhalan doonto canshuurtan cusb ee Mareykanka kusoo rogay waddamada caalamka , gaar ahaan dalalka katirsan midowga Yurub.

“Canshuuraha uu Mareykanka soo saaray waxay dhabar jab xooggan ku yihiin dhaqaalaha adduunka. Cawaaqib xun oo saameyn ku leh malaayiin adduunka ku nool ayay sidoo kale dhalin doontaa” ayey tiri Ursula von der Leyen.

Sikastaba, madaxweynaha dalka Mareykanka Donald Trump, ayaa tan iyo markii uu xilka la wareegay kusoo kordhiyay canshuuro  dalal badan oo caalamka katirsan, waxa ayna taasi saameyn iyo jahwareer xooggan galisay ganaciga dunidda, gaar ahaan kuwa badeecadaha u iib geeya Mareykanka.

La Xiriira

Live Now

Baraheenna Bulshada

Baaritaanada

English News