Hargeysa (KAAB TV) – Madaxweynaha cusub ee maamulka Soomaaliland Cabdiraxmaan Cabdullaahi Ciro ayaa isku shaadheyn iyo magacaabis ku sameeyay qeybaha kala duwan ee ciidamada maamulka Soomaaliland.
Madaxweyne Ciro ayaa wareegto usoo saaray maanta xilka uga qaaday aas, Nuux Ismaaciil Taani iyo Sarreeye Gaas oo ahaa taliyihii ciidanka Milateriga Soomaaliland iyo Maxamed Aadan Saqadhi oo isna ahaa taliyihii ciidanka boliiska Soomaaliland.
Sidoo kale, wareegtada uu madaxweyne Ciro soo saaray waxa uu taliyaha ciidanka milateriga Soomaaliland ugu magacaabay Sarreeye Guuto, Nimcaan Yuusuf Gaaxnuug, iyadoona taliyaha boliiska loo magacaabay Sarreeye Guuto, Cabdiraxmaan Cabdillaahi Xasan Allaale.
Ugudambeyn, madaxweyne Ciro ayaa taliyeyaasha uu xilka ka qaaday maanta, ka dhigay lataliyeyaasha ciidamada gaarka ee Soomaaliland.