Tehran (KAAB TV) – Madaxweyne ku-xigeenka Iran, Maxamed Javad Zarif ayaa waraysi uu bixiyay markii ugu horreysay xaqiijiyay inay Israa’iil walxaha qarxa ku xirtay gaaska ‘centrifuge’ ee loogu talagalay in lagu kobciyo uranium-ka laga sameeyo nukliyeerka, kaasoo uu sheegay markii ay Iran soogadatay inay oggaatay walxaha qarxa ee lagu xiray.
Sidoo kale, wuxuu daaha ka rogay cunaqabateynta Iran ay saareen reer galbeedka inay ku khasabtay inaysan si toos ah usoo iibsan karin gaaska lagu kobciyo uranium-ka iyo dhammaan agabka ay u baahanyihiin, taasina ay keenayso inay gacan saddeexad oo aan ahayn goobtii sida tooska ah agabka looga gadanayay inay wax ka iibsadaan, inta u dhaxeysa cidda agabka laga iibsanayo iyo Iran ayuu tilmaamay inay ka faa’iideysato Israa’iil oo markaa ay ku xirto walxaha qarxa.
Dhanka kale, madaxweyne Zarif, ma sheegin waqtiga ay oggaadeen walxaha qarxa ee lagu xiray gaaska lagu kobciyo uranium-ka, isagoo ficilka ku sheegay iskuday lagu qarxin rabay barnaamijka nukliyeerka ee Iran.
Bartamihii sannadkii 2021-kii, madaxii hore ee hay’adda sirdoonka Israa’iil ee Mossad, Yossi Cohen ayaa waraysi uu bixiyay ku sheegay in Israa’iil ay ku qarxisay xarunta nukliyeerka Iran oo dhulka hoostiisa ah oo ku taal Natanz, qarax la sheegay inuu ka dhashay bam lagu rakibay qalab halkaas ku jiray, tan oo daahqaadaysa inay Israa’iil muddo dheer ku howlaneyd iskudaygeeda burburinta barnaamijka nukliyeerka Iran oo aan la ogeyn howlgallada kale ee ay fulisay si ay u qarxiso ama waxyeello u gaarsiiso.
Sikastaba, Isra’iil ayaa si lama filan ah dabayaaqadii sannadkii hore u qarxisay nidaamka isgaarsiinta ururka Xisbullah, kaddib markii Mossad ay ku diyaarisay walxaha qarxa nidaamka isgaarsiinta Xisbullah ka hor inta uusan ururka la soo wareegin.