Aaden Yabaal (KAAB TV) – Madaxweyne Xasan Sheekh Maxamuud ayaa maanta aaday jiidaha hore ee dagaalka lagu ciribtirayo Alshabaab, si uu garab-istaag ugu muujiyo Ciidamada Qalabka Sida iyo ciidamada dadka deegaanka.
Sidoo kale, madaxweyne Xasan Sheekh inta uu ku sugan yahay furimaha dagaalka waxa uu u kuur-gali doonaa xaaladda ciidamada, isaga oo warbixinno ka dheggeysan doona talisyada iyo hoggaannada horkacaya dagaalka, kuwaas oo maalmihii la soo dhaafay jab weyn gaarsiiyay Alshabaab.
Dhanka kale, madaxweynaha ayaa ugu horeyntii gaaray degmada Aadan Yabaal ee gobolka Shabeelaha Dhdxe isagoona kulamo halkaasi kula leh taliyaha ciidanka xoogga dalka Jeneraal Odawaa iyo guddoomiyaha Maxkamadda derajada koobaad ee ciidamada Shuute oo maalmihii lasoo dhaafay halkaasi ku sugnaa.
Sikastaba, Tegitaanka Madaxweynaha ee furimaha dagaalka ayaa waxa uu ku soo beegmeysaa xilli ay shacabka Soomaaliyeed ee ku nool caasimadda iyo guud ahaan dalka iyo dibaddaba ay taageero xooggan u muujiyeen howlgalka horumarka weyn laga sameeyay ee lagu dabarjarayo Alshabaab.