Hargeysa (KAAB TV) – Madaxweynaha Somaliland, C/raxmaan C/laahi Cirro, ayaa maanta (Sabti) kulan degdeg ah la yeeshay madaxda saddexda xisbi qaran ee dalka ka jira, sidii looga arrinsan lahaa shaqaaqadii ka soo cusboonaatay magaalada Ceerigaabo ee xarunta gobolka Sanaag.
Iska horimaadkan ayaa billowday Sabtidii lasoo dhaafay, kaddib markii maleeshiyo beeleed taabacsan SSC ay weerar ku qaadeen ciidamo ka tirsan kuwa nabad-sugidda Soomaaliya, waxaana ka dhashay iska hor-imaadyo rabshado wata.
In ka badan toban qof ayaa ku dhintay, tiro intaas ka badanna waa ay ku dhaawacmeen.
Hay’adaha Qaramada Midoobay ayaa sheegay in ku dhawaad 43,000 oo qof ay ka barakaceen guryahoodii dagaalka ba’an ee magaalada Ceerigaabo ku dhex maray ciidamada Somaliland iyo malleeshiyo beeleedka ay taageersan yihiin Khaatumo oo tan iyo todobaadkii hore ka socday gudaha magaalada Ceerigaabo.