Muqdisho (KAAB ) –8 Maalmood ayaa ka soo wareegatay markii gacan ku Dhiiglaha Luul Cabdicaaiis gubay gacanta lagu soo dhigay, Walina gacanta Booliska iyo laamaha Garsoorka laguma soo wareejinin.
Khamiis, Sabti, Axad, Isniin intaasba waxaa lalahaa waa la soo wareejinayaa walina lama soo wareejinin, si loo dadajiyo Hannaan ka Caddaaladda.
Ma fahmi karno sabab cad oo iyadoo maydkii Luul Allaha u naxariistee uu wali bannaanka yaalo loo meermeeriyo Caddaaladdeeda, Waxaan rajaynaynaa barri hadduu Alle idmo Kiiska Luul inuu ku wareego Laamaha Caddaaladda si loo dadajiyo.
Waxaa la wada ogsoonyahay in Dilkii Luul ka dib dilalka magaalada ka dhacaya ay aad u kordheen, iyadoo macallin Iskuul maanta lagu dhex dilay iskuulkii uu ka shaqaynayay, xalka dilalkan waa in degdeg loo qisaaso kuwa hadda gacanta lagu hayyo si inta kale ugu quus qaataan.
Ugu dambayn Mawqifka Qoyska Luul wax iska badalay ma jiro, waxayna sugayaan in Inshaa’allah Degdeg loogu qisaaso.
W.Q Maxamed Barawaani.