NAIROBI (Kaab TV) – Dowladaha Masar iyo Eritrea ayaa bilaabay shir deg deg ah oo ay ku yeelanayaan caasimadda dalka Eritrea ee Asmara ka dib booqashadii uu Raisul Wasaaraha Itoobiya ku tagay Muqdisho.
Raisul Wasaare Abiy Axmed Cali ayaa Khamiistii booqasho ku tagay magaalada Muqdisho iyadoo ay taasi qeyb ka ahayd soo afjaridda khilaafka Itoobiya iyo Soomaaliya u dhexeeyay ee soo jiitamayay muddada sannadka ahayd.
Wasiirka Arrimaha Dibadda Masar ayaa Sabtidii Badr Abdelatty ayaa deg deg u gaaray caasimadda Asmara wuxuu halkaas kula kulmay Madaxweynaha Eritrea, Isias Afwerki.
Masar, Eritrea iyo Soomaaliya ayaa bishii Oktoobar 2024 sameystay iskaashi saddex geesood ah, kaas oo la sheegay in ujeedkiisu ahaa in looga hortago damaca Itoobiya ee ku aaddan Badda Cas.