Muqdisho (Kaab TV) – Nabaddoon lagu magacaabo Ibrahim Guure Xalane ayaa caawa lagu dilay Degmada Waaberi ee magaalada Muqdisho, sida ay xaqiijiyeen dad goobjoogayaal ah.
Dilkan ayaa qeyb ka noqonaya dilal isxig-xiga oo maalmahan ka dhacay degmooyin ka mid ah magaalada Muqdisho.
Dadweynaha ayaa sheegaya inuu jiro dayac xaga amniga ah oo ka jira magaalada Muqdisho taas oo ay walaac ku abuurtay dadka ku nool degmooyinka Muqdisho.
Goobta dilka uu ka dhacay waxaa soo gaaray ciidamo ka tirsan Dowladda kuwaas oo goobta ka qaaday maydka marxuumka la dilay.
Maanta waxaa sidoo kale magaalada Muqdisho ka dhacay qarax lagu soo xiray gaari nooca raaxada oo ku qarxay meel aad ugu dhaw Wasaaradda Waxbarashada Soomaaliya.