Jowhar (KAAB)- Magaalada Jowhar ee gobolka Shabeellaha dhexe waxaa lagu soo waramayaa in lagu dilay mid ka mid ah Nabadoonada aadka loogu yaqaano magaalada Jowhar.
Maruumka oo lagu magacaabi jiray Nabadoon Xasan Cali Muude ayaa waxaa dabley hubeysan ay u dileen tuulada Casir Maal oo hoostegtaga magaalada Jowhar ee Shabeellaha Dhexe.
Kooxda dilka fulisay ayaa lagu soo waramayaa in goobta ay isaga baxsadeen halkaas oo ay soo gaareen ciidamo amni oo ka tirsan maamulka magaalada Jowhar.
Xilliga la dilayay Nadoonka ayaa la socday gaari ay kala dageen ragga hubeysan oo kadib xabad ku furay, illaa ay nafta kaga baxdo goobta.
Lama sheegin ilaa iyo hadda sababtay keentay in kooxda hubaysan si arxan darra ah ay u dileen Nabadoonkaas oo dilkaas si aad ah ay ugu naxeen dadka ku nool gobolka Shabeellaha dhexe.
Sidoo kale wuxuu tilmaamay in mid kamid ah dableyda ka dambeysay dilka Nabadoonka gacanta lagu soo dhigay, kuwa kalena lagu raad joogo.
Dilka ayaa qayb ka noqonayo falalka ammaan darri ee ka dhaca Shabeelaha Dhexe oo ay sidoo kale ku badan yihiin dagaal beeleedyo gaystay khasaarooyin kala duwan.