GAROWE (Kaab TV) – Xulka kubadda cagta ee gobolka Nugaal ayaa ku guulaystay koobkii kubadda cagta gobollada Puntland, kaddib markii ay 4-2 kaga tallaabsadeen dhiggooda gobolka Bari.
Abaalmarinnada koobka:
Laacibka Koobka: MMJ Injineerka (Nugaal)
Macalinka Koobka: Yacquub Cismaan (Nugaal)
Gool-hayaha Koobka: Mukhtar Agii (Nugaal)
Abaalmarinta Anshaxa: Amiirka (Mudug)
Da’yarkii Koobka: Xuudka (Sool)
Gool-dhalinta: Qoorka iyo Dhamaaye
Guud ahaan, 10 koob oo la qabtay waxaa min afar jeer ku guulaystay xulalka gobollada Bari iyo Nugaal, halka gobollada Sool iyo Haylaan ay min hal jeer ku guulaysteen.
Wasiirka Ciyaaraha Hodan Siciid Xasan iyo Guddoomiyaha Gobolka Nugaal, Cabdiraxmaan Abshir ayaa ka qeyb galay guddoonsiinta koobka oo kooxda Nugaal la guddoonsiiyay.