Canada (KAAB TV) – Madaxweynaha la doortay ee dalka Mareykanka Donlad Trump, ayaa mar kale dhawaan ku celiyay rabitaankiisa ku aadan in dalka Canada qeyb ka noqdo gobolada dalka Mareykanka, isaga oo muujiyay in uu aad u jeclaan lahaa in sidaasi dhacdo.
Sidoo kake, Ra’isul Wasaaraha xilka kasii degaya ee Canada, Justin Trudeau ayaa si adag uga falceliyay hadalka kasoo yeeray Madaxweyne Donald Trump, waxa uuna hadalkaasi ku tilmaamay riyo aan run noqon doonin ayna adag tahay sida ay ku dhacdo.
Dhanka kale, waxa uu sheegay Ra’isul Wasaaraha dalka Canada in madaxweyne Donald Trump uu doonayo in uu dadka jahwareer ku rido, waxa uuna xusay in aysan Canada noqon doonin gobolka 51-aad ee dalka Mareyanka sida uu rabo Madaxweyne Trump.
Sikastaba, madaxweynaha dib loo doortay ee dalka Mareykanka Donald Trump, ayaa shaaciyay dhawaan in dalka Canada iyo dalal kale uu rabi lahaa in ay qeyb ka noqdaan dalka Mareykanka, iyadoona hadalka nuucaan ah uu marar badan sheegay Trump.