Garoowe (KAAB TV) – Dowladda Puntland, ayaa maanta ku dhawaaqday in ay markii u horraysay dhawaan hirgelin doonto hay’ad qaabilsan ka hortagga dhaqidda Lacagaha sharci-darrada ah (Money Laundering).
Sidoo kale, madaxweynaha Puntland, Siciid Cabdullaahi Deni oo maanta Boosaaso kula shiray ganacsatada gobolka Bari ayaa u sheegay in maamulkiisa dhawaan hirgelin doonto hay’ad qaabilsan ka hortagga dhaqidda lacagaha sharci-darrada ah oo ay caan ku yihiin rrgagixisada ISIS.
“Waxaa dhowaan la hirgalin doonaa hay’ad ka hortagta dhaqidda lacagaha sharci-darrada ah” ayuu yiri madaxweyne Deni oo la hadlayay Ganacsatada Gobolka Bari, waxaana uu intaasi ku daray in kooxaha Argagixisada ah adeegsadaan hannaanka dhaqidda Lacagaha Sharci-darrada ah.
Sikastaba, Madaxweynaha Deni ayaa ganacsatada gobolka Bari u sheegay in laga guulaystay argagixisadii ISIS ee dhibaatada xooggan ku haysay ganacsatada Boosaaso, islamarkaana ka qaadi jirtay lacaga baadda ah, oo ay ku sheegaan Sakawaadka.