Garoowe (KAAB TV) – Madaxweynaha Puntland, Siciid Cabdullaahi Deni oo ku sugan magaalada Boosaaso ayaa lagu wadaa in uu dhawaan dhiso hay’ad qaabilsan La-dagaallanka argagixisada iyo dhaqancelinta xubnaha ka soo baxa kooxahaasi.
Sida ay xaqiijiyeen ilo wareedyo ka tirsan madaxtooyada Puntland ayaa sheegaya in madaxweyne Deni uu dhawaan hirgelin doono hay’ad qaabilsan La-dagaallanka argagixisada iyo dhaqancelinta xubnaha ka soo baxa argagixisada.
Dhanka kale, Siciid Deni ayaa la filayaa in uu Gen. Axmed Cabdullaahi Shiikh u magacaabo agaasimaha guud ee hay’adda La-dagaallanka argagixisada iyo dhaqancelinta xubnaha ka tanaasula fikirka argagixisada.
Sikastaba, hay’adan cusub uu dhisayo Madaxweyne Deni, ayaa kusoo aadeysa xilli ciidamada Puntland ay dagaal adag kula jiraan kooxda Daacish ee ku sugan buuraha Calmiskaad, waxaana suurto gal ah in isa soo dhiibaan xubnaha Daacish qaarkood.