Eritrea (KAAB TV) Madaxweyne Abdel-Fattah El-Sisi ayaa kala hadlay Wasiirka Arrimaha Dibadda Eritrea Osman Saleh Khamiistii hanjabaadaha Geeska Afrika iyo Badda Cas.
Kulanka ayaa ka dhacay magaalada New Alamein.
Afhayeenka Madaxweynaha Masar Axmed Fahmy ayaa sheegay in El-Sisi iyo Saleh ay muujiyeen rabitaankooda ah in ay sii wadaan isku duwidda iyo wadatashiyada heerar kala duwan si loo taageero amniga iyo xasilloonida gobolka.
Intii uu socday kulanka, El-Sisi waxa uu sheegay in Masar ay aad u daneyneyso sare u qaadida xiriirka iyo iskaashiga ka dhaxeeya labada dal si ay uga faa’ideystaan dadkooda isla markaana ay u gaaraan danaha guud iyadoo la eegayo caqabadaha isa soo taraya ee gobolka, kuwaas oo u baahan in la xoojiyo wada-xaajoodyada ku aaddan sidii wax looga qaban lahaa.
Madaxweyne El-Sisi waxa uu sidoo kale dhambaal qoraal ah ka helay dhiggiisa Eritrea Isaias Afwerki oo uu ku muujiyay sida dalkiisu uu ugu faraxsan yahay xiriirka laba geesoodka ah ee Masar iyo sida uu u jecel yahay in la wanaajiyo wadatashiyada ku saabsan arrimaha labada dal, ayuu Fahmy ku daray.
Xiisada Geeska Afrika ayaa cirka isku sii shareertay ka dib markii Somaliland ay bishii January ogolaatay inay 20 KM oo xeebeeda ah muddo 50 sano ah ka kirayso Addis Ababa, taasoo doonaysa inay halkaas ka dhisato saldhig ciidan iyo deked ganacsi, taas oo Itoobiya oo aan bad lahayn ka heli karta Badda Cas.
Heshiiskan ka dib Masar waxa ay mar kale sheegtay in ay garab taagan tahay Soomaaliya ayna ka taageeri doonto amnigeeda iyo xasiloonideeda iyadoo ku nuuxnuuxsatay baahida loo qabo in la ixtiraamo madax banaanida dhulkeeda.
Bishii Febraayo El Sisi waxa uu Afwerki kala hadlay xaaladihii ugu dambeeyay ee Geeska Afrika isaga oo jooga Qaahira iyaga oo carabka ku adkeeyay baahida loo qabo in la ixtiraamo madax banaanida Soomaaliya.