Muqdisho (KAAB TV) – Gudoomiyaasha labada Aqal ee Baarlamaanka Federaalka Soomaaliya waxa ay ku magacaabeen Guddiga Saaxiibtinimada Baarlamaanka Soomaaliya iyo Luxembourg.
Guddigan oo ka kooban shan xubnood, waxay u taagan yihiin waa cusub oo iskaashi iyo isfaham dhex mara labada ummadood.
Xubnaha guddiga la magacaabay ayaa kala ah.
1. Xildhibaan Aweys Maxamed Cumar
2. Xildhibaan Suxuur Xaaji Culusow
3. Xildhibaan Dahabo Suusow Maxamuud
4. Senator Seynab Ismaaciil Maxamed
5. Xildhibaan Xasan Aadan
Sameynta guddigan ayaa astaan weyn u ah xiriirka Soomaaliya iyo Luxembourg. Waxaa la filayaa in la fududeeyo doodaha, fikradaha is dhaafsiga, iyo iskaashiga dhinacyada kala duwan ee labada dal.
Hindisahan ayaa qeyb ka ah dadaallo ballaaran oo lagu xoojinayo xiriirka Soomaaliya iyo Midowga Yurub oo Luxembourg ay xubin ka tahay.
Guddigan ayaa la filayaa inay door muhiim ah ka ciyaaraan horumarinta xiriirka diblumaasiyadeed, horumarinta iskaashiga dhaqaalaha, iyo kobcinta is-dhaafsiga dhaqanka ee labada dal.
Magacaabista guddigan ayaa cadeyn u ah sida ay uga go’an tahay labada dowladood inay ka wada shaqeeyaan horumarka dadkooda iyo beesha caalamka.
Waxaa la rajeynayaa in hindisahan uu u gogol xaaro wadashaqeyn iyo isfaham mustaqbalka.