Khartoum (Kaab TV) -Xoogaga kudagaalmaya dalka Sudan ayaa markale maanta isku afgartay xabdjoojin taaso oo ay ku ekeed 72-ka saacadood.
Ciidamada Milatariga ayaa sheegay in ay aqbaleen in waqtiga xabadjoojinta oo eheed Khamiistii, in lagu daro saddex maalin kale oo gaareysa ilaa Axada soo socoto.
Dhanka kale Ciidamada RSF oo ladagaalamaya ciidanka dowladda Sudan ayaa iyaguna markii ugu horeysay aqbaly in lakordhiyo waqtiga heshiiska xabadjoojinta laguna daro 72-saacadood oo kale oo kabilaabmeysa maalinta Jimcaha, isla Khamiistii waxaa markale ay Ciidamada Milatariga kuceliyeen in ay dhinacooda waqtiga ay u kordhiyaan heshiiska xabadjoojinta ah.
Dhanaka kale waxaa lasoowarinayaa in ay rabshado kasocdaan Caasimada dalka Sudan ee Khartoum iyo gobolka Darfur, iyadoo dhinacyada kudagaalmaya ay kuheshiiyeen in lakordhiyo heshiiska xabadjoojinta.
Mareekanka aya sheegay in uu kawalaacsan yahay xad-gudubyada ka dhanka ah heshiiska xabadjoojinta, xili ay iska soo daba dhacayaan walaac laga muujinaayo dagaalka Sudan.
Boqolaal qof ayaa kudhinteen dagaalka kasocda dalka Sudan halka ay kubarakeceen kumanaankun oo qof kadib dagaalkii adkaa ee dhexmaray Ciidamada Sudan iyo xoogaga sida gaarka ah u tababaran ee RSF.
Sikastaba go,aankan cusub ee kasoo baxay ayaa waxaa soodhaweeyay Qaramada Midoobey, Midowga Africa, Urur goboleedka IGAD iyo dalalka ka qeeb qaadanaaya xaalada dalka Sudan oo kala ah Mareykanka, Imaaraadka Carabta, Ingiriiska, iyo Sacuudiga.