Garoowe (KAAB TV)– Dowladda Xasan Sheekh Maxamuud ayaa wajahaysa cadaadis uga imaanaya dhinacyo kala duwan, waxaana ku furan khilaafaadyo ugu kala imaanaya xubnaha mucaaradka iyo Dowladda Puntland.
Hannaanka awood qaybsiga oo ku dhisan Dowladda ayaa waxaa docda kale soo baxaya in Xasan Sheekh looga baahan yahay in meel ku sheego xubnaha wasiirada ee ka maqan awood qaybsiga beelaha.
Waxaa ka mid ah wasiirada maqan ee is casilay wasiirka arrimaha dibadda Soomaaliya Huraase oo deegaan ahaan ka soo jeeda Puntland.
Wasiir Juxa oo bartiisa X qoraal soo dhigay ayaa u diray Xasan Sheekh Maxamuud fariin ku saabsan inuu buuxiyo boosaska ka maqan xukuumadda Soomaaliya.
Waxa uu ku yiri qoraalkiisa.
‘’Mudane Madaxwayne dowlad dhiska looma dhama ee Gaariga jooji ‘’
Waxa uu sheegay Juxa inuu yimaado Xasan Sheekh Maxamuud gogosha wada hadalka si loo xaliyo tabashooyinka jira.
Dowladda Soomaaliya waxaa ka maqan oo aan la buuxin boosaska kala ah wasiirka arrimaha dibada , wasiirka amniga Qaranka iyo haweenka .
