Muqdisho (KAAB TV) – Ra’iisul Wasaaraha Xukuumadda federaalka Soomaaliya Xamse Cabdi Barre, ayaa magacaabis iyo isku-shaandhayn ku sameeyay qaar kamid ah Golaha Wasiirrada Xukuumadda Federaalka Soomaaliya.
Sidoo kale, Ra’iisul Wasaare Xamse ayaa wareegto uu soo saaray ugu magacaabay Dahir Shire Maxamed, Wasiirka Batroolka iyo Macdanta Xukuumadda Federaalka Soomaaliya,
Dhanka kale, Xamse ayaa isku beddalay Wasiirka Wasaaradaha, Qoyska iyo Xuquuqul Insaanka iyo Deegaanka iyo Isbeddelka Cimilada.
Marwo Khadiijo Al-maqsuumi, ayaa loo magacaabay Wasiirka Wasaaradda Qoyska iyo Xaquuqul Insaanka, halka Mudane Bashiir Maxamed Jaamac ( Bashiir Goobbe) loo magacaabay Wasiirka Wasaaradda Deegaanka iyo Isbeddelka Cimilada.
Ra’iisul Wasaaraha ayaa wareegtadiisa ku magacaabay Wasiiru Dowlaha Wasaaradda Tamarta iyo Biyaha, Cismaan Axmed Macoow.