Muqdisho (KAAB ) Saacadihii la soo dhaafay waxaa soo baxayay warar sheegaya inuu baxsaday nin xaaskiisa si arxan darra ahu gubay xaaskiisa oo Uur lahayd.
Waxa wararka qaar ay sheegayaan in ninkaas xubno ka tirsan Dowladda ay ka dhoofiyeen Garoonka Aadan Cadde ee magaalada Muqdisho isla markaana shaqada uu damaanad ugu ahaa Xildhibaan Saabir Shuuriye.
Xildhibaanku waxa uu sheegay inuu yahay ninkaas xildhinaankii matalayay waxana uu xusay inuu aad ugu xun yahay wixii ku dhacay gabadhaas Soomaaliyeed ee nolosha lagu- gubay.
“Wey jirtaa in aan damiin ka ahaa, Halmar ayaana Arkay,waxaana rajeynayaa in sharciga la horkeenidoono dilaaga” ayuu yiri Xildhibaan Saabir Nuur Shuuriye.
Intaas waxa uu ku daray in tan iyo markii falkaas uu gaystay dambiilahaas ay ka shaqeynayaan sidii gacanta loogu soo dhigi lahaa ilaa iyo haddana ay ku guda jiraan talabadaas.
Si kastaba guud ahaan dadka Soomaaliyeed ayaa si aad ah ugu xumaaday talabadii nin xaaskii uu ku qabay uu dab ku qabsadsiyay gudaha magaalada Muqdisho.