MUQDISHO (KAAB TV) – “Khadro” (ma aha magaceeda runta ah) waxay weli la dhibaatooneysaa xannuunka iyo rafaadkii ay ka qaaday gudniinkii lagu sameeyay gabarnimadeedii kaasoo saameyn daran ku yeeshay nolosheeda iyo xitaa guurkeeda.
Waa dhibaato aan ku koobneyn “Khadro” ee heysata kumannaan gabdho Soomaaliyeed oo qaarkood ay u geeriyoodeen, qaarna xaalado halis ah u galay gudniinka dartiis, halka kuwo kalana ay haddaba wajahayaan inay maraan qalliinkan halista badan ee cadawtinimada ku dheehan.