Muqdisho (KAAB ) Ciidanka amniga magaalada Gaalkacyo ee gobolka Mudug ayaa sameeyay howlgal la sheegay in lagu baadi goobayay koox dil ka gaysatay magaalada Gaalkacyo.
Sida wararku ay sheegayaan ciidanka inta ay howlgalka ay wadeen ayaa waxa ay gacanta ku soo dhigeen shaqsiyaad ay ku tuhmayaan in ay ka danbeyeen dil ganacsade loogu gaystay magaalada.
Waxa ay laga fuliyay howlgaladan inta badan xaafadaha magaalada Gaalkacyo ee gobolka Mudug gaar ahaan dhanka maamulka Puntland.
Saraakiisha amniga magaalada Gaalkacyo ayaa sheegay , in ay faahfaahin ka bixin doonaan howlgalada iyo baaritaanka ay ku sameynayaan shaqsiyaadka ay tuhmayaan.
Magaalada Gaalkacyo ee gobolka Mudug ayaa maalmihii la soo dhaafay wax aka dhacayay falal amni darro waxaana saraakiishu ay sheegeen in ay qaadi doonaan talaabooyin ay ku sugayaan amniga.