Hargeisa(KAAB) –Wararka aan ka helayno magaalada Hargaysa ee Somaliland ayaa sheegaya in halkaas ay ku geeriyoodeen Hooyo iyo laba Caruura ah.
Dhimashadan ayaa ka danbeysay ka dib markii dab ka kacay Hoy ay degenaayeen oo ku yaala xaafada Cabaaye ee degmada Gacan-libaax ee magaalada Hargeisa ee Somaliland.
Sida wararka ay sheegayaan abaaro 4:00 subaxnimo ayaa ciidanka Dabdemiska Hargeysa u gurmaday qoysaskan oo aqalkooda ku waayay dab ka kacay gurigooda .
War ka soo baxay Taliska Ciidanka Booliska degmada Gacan libaax ayaa la wareegay maydadka qoyskan ay gacanta ku hayaan isla markaana ay ku hayaan baaritaan dheeraad ah.
‘’Bulshada ku nool Somaliland waxaa ciidanka Dabdemisku farayaa in Habeenkii ka digtoonaadaan halista dabka:- In Habeenkii La damiyo laydhka, lana aaso dabka girgirayaasha, lana dhigo meel ku haboon ‘’ ayaa lagu yiri warka ka soo baxay Taliska Ciidanka dab – damiska.
Si kastaba dhawr jeer ayaa sidan oo kale waxaa dhibaatooyin dabka ah uu soo gaaray qoysas badan oo ku nool magaalada Hargaysa taas oo sabab u ah , koronto ka kacay guryahooda.