Muqdisho (KAAB ) Dowlad – goboleedka maamulka Puntland ayaa war ka soo saartay taageero la sheegay in wadamada deeqaha bixiya ay siinayso Dowladda Federaalka ah ee Soomaaliya.
Hadal ka soo baxay Puntland ayaa lagu sheegay in Wasaaradda Kaluumaysiga ay doonayso in ay meelmariso heshiis sharci darro , taas oo hadalka lagu yiri in Puntland aysan qayb ka ahayn.
Waxaa lagu yiri warka maamulka Puntland ka soo baxay .
‘’Puntland waxay u cadaynaysaa shacabka Soomaaliyeed gaar ahaana Puntland iyo wadamada deeq bixiyaasha ee Soomaaliya taageera in Wasaaradda Kalluumaysiga DFS ay doonayso inay meel mariso Sharci ay ku sheegtay Sharciga horumarinta & maareynta kalluumaysiga Soomaaliyeed ‘’
Sharciga hurumarinta iyo maareynta kalluumaysiga Soomaaliyeed ayaa ka mid ah waxyaabaha ay isku khilaafsan yihiin Dowladda Federaalka Soomaaliya qodobkiisa 44aad ee qeexata qaybsiga khayraadka dabiiciga ah ee Jamhuuriyadda Federaal ah Soomaaliya.